دقائق بنكون معاك
أتصل الآن
تصميم و تطوير المواقع

اتعرف على مجالك بصورة أفضل بعد امتلاك موقعك الالكتروني

18084

السلع و الخدمات متاحة لكن الإحتياج اليها يحكمه حاجات كتير بمعني تاني شركتك او مجالك الشخصي أكيد يدعمها موقع إلكتروني فيه كل تفاصيل شغلك لكن السؤال الأهم هل انت محتاجه دلوقتى ولا ممكن يبقى في خططك المستقبلية ؟

مفيش إختلاف على أهمية تواجد نشاطك في العالم الرقمي ومفيش اختلاف علي ان تواجدك يخلق ميزة ليك هتساعدك في بناء علامتك التجارية بصورة واضحة لكن المجالات والأنشطة بتختلف على درجة إحتياجها لموقع إلكتروني و كمان بتختلف في شكل و طريقة اختيارك للموقع من تصميم ومحتوى ومزايا إضافية

جملة مزايا إضافية لازم هتاخدك لأهم عنصر في النشاط بتاعك وهو العميل الي من دراستك ليه هتبدأ تتعرف علي شكل موقعك وطريقة عرضك للمحتوى وترتيبك لكل حاجة العميل هيشوفها اول ما يدخل عندك عشان تقدر تاخده في عالم خاص يرد علي كل سؤال محتاجه بالترتيب وهو موجود في موقعك لحد ما تقوده لنقطة الإقناع او بناء علامة و ترك إنطباع ذهني

نبدأ في مرحلة الإجابة علي السؤال اللي بيجي في ذهنك دايما هل انا محتاج موقع إلكتروني حاليا ولا لسه فيما بعد ؟

في بداية أي نشاط أو صاحب خدمة فردية بيبقي فيه إعتماد من صاحب الشغل على العلاقات الموجودة و اللي بيها يبدأ نشاطه التجاري و بيكون ليها تأثير كبير على أعماله و تأثير إيجابي في الأرباح ولكن خلينا نقول حاجه بسيطه توضح لك الفكرة لو عندك طريق شغال وبيوصلك دايما للمكان الي انت رايحه فكرت في يوم لو الطريق ده اتقفل هتوصل للمكان اللي بتروحله دايما ازاي ؟

اكيد الافضل يكون فيه طريق تاني عشان وصولك لهدفك ميكونش متوقف علي حاجه واحده بس بمعني تاني لو انت لسه بادي نشاطك التجاري ممكن تعتمد على العلاقات فترة وتحقق بيها أرباح تفيدك لكن مهما كانت قوتها هيبقي ليها وقت وهتبدأ تقل او تنتهي يبقي دايما خلي في الخطة بتاعتك انك تفتح كذا طريق لنشاطك التجاري وده معناه زيادة في الارباح و الانتشار اسرع وقوة علامتك التجارية ده معناه استمرارك في المنافسة لمدة أطول

:- قوة الطريق التاني ( الموقع الإلكتروني ) تتمثل في

جذب العديد من الزوار الجدد
بناء قائمة عملاء مستهدفة قوية
انتشار أعمالك بصورة بسيطة ومنظمة
يساعدك على بناء العلامة التجارية
زيادة ثقة العملاء بك
ضمان ولاء العميل لخدمتك
يعد بمثابة واجهة الشركة الخاصة بك


اترك تعليق